Д.Бямбадорж Японы мэргэжлийн сумогийн Их аваргын болзол хангалаа - 21 September 2012

Main » » Д.Бямбадорж Японы мэргэжлийн сумогийн Их аваргын болзол хангалаа

10:03 PM Д.Бямбадорж Японы мэргэжлийн сумогийн Их аваргын болзол хангалаа
Өнөөдөр Японы мэргэжлийн сумо бөхийн есөн сарын Аки башёгийн 13 дахь өдрийн барилдаан болж өндөрлөлөө. Дөнгөж сая озеки Харумафүжи Кисеносатог ялснаар 13 дахь даваагаа авлаа. Ингэснээр Японы сумо бөхийн холбооны дэргэдэх Ёкозуно зөвлөлөөс 13 ба түүнээс дээш даваа авбал Ёкозуно буюу Аварга цол хүртээнэ хэмээн амласан байсан тэр болзлыг хангалаа. Гэвч барилдааны дундаас гурван озеки бэртэл авч дэвжээг орхисон. Тиймээс Японы сумогийн холбооноос 14 ба түүнээс дээш давсан тохиолдолд аварга цолыг өгөх болно хэмээн шийдвэрээ өөрчилсөн байна. Харумафүжи Д.Бямбадоржийн хувьд нэг ч уналгүй урамтай сайхан барилдаж, 13 даваад байгаа юм. Маргааш Какурюү М.Анандтай, нөгөөдөр буюу сүүлийн өдөр их аварга Хакухо М.Даваажаргал барилдах юм. Өнөөдрийн барилдаанд их аварга Хакухо М.Даваажаргал озэки Какурюү М.Анандтай учраа тааран барилдаж, ошидаши мэхээр өрсөлдөгчөө ялснаар 12 даваа, нэг унаатай болоод байна. Озэки Какурюүгийн хувьд 10 даваа, гурван унаатай болж байгаа юм. Макүүчи зиндаанд барилдаж буй Монголын бусад сумочдын тухайд Кёкүтэнхо Н.Цэвэгням сэкиваки Мёогирюүд ёрикири мэхээр ялагдсанаар гурван унаатай болсон бол Шотэнро Д.Нямсүрэн окуридаши мэхээр Тоёоношимад дийлдэж, таван даваа, найман унаатай болж, 50-иас дээш хувийн амжилт үзүүлэх боломжгүй болсон. Башёгийн 13 дахь өдрийн барилдаанд хоорондоо учраа таарч барилдсан Токитэнкү А.Хүчитбаатар, Асасэкирюү Б.Дашням нарын барилдаанд зүүн жигүүрийн маэгаширагийн 13-т эрэмбэлэгдсэн Асасэкирюү давжээ. Л.Тамир Зэвүүн.ucoz.com
1 2 3 4 5 Category: Спорт \| Views: 816 \| Added by: bilguun \| Rating: 0.0/0